Salahkah Sayang

Salahkah Sayang
Cipt. Babaya Bungas

Salahkah sayang
Lamun diaku masih mangganang
Kasih dahulu mantan nang aku sayang

Salahkah jua
Lamun diaku masih mamuja
Lantaran cinta nang lawas masih mambara
Salahkah sayang
Aduhai salahkah aayang..

Rahat manitik banyu mataku
Lamun taganang kasih dahulu
Sampai wahini masih kurindu
Mudahan kawa bakait judu

Sadih hatiku sadih
Aduhai talanjur padih
Ganang diri mangganang
Sahibar kawa mangganang..

Malarak Rindu

Malarak Rindu
Cipt. Babaya Bungas

Si buah mangga diparamakan
Buat ka pati disusun rata
Tumatan mata ya sayang bapapandangan ya sayang
Rasap dihati ya sayang tumbuhlah cinta

Cari permata dipandulangan
Banyak babatu wan tanah liat
Dibuai cinta ya sayang nang karindangan ya sayang
Datangnya rindu ya sayang handak badapat

Putik sabuku buah hampalam
Buat ka karung andak di atang
Malarak rindu ya sayang baampah malam ya sayang
Duduk tacungkung ya sayang wayah taganang

Burung merpati maulah sarang
Dikaramunting bakaandakan
Lantaran hati ya sayang dandam mangganang ya sayang
Kada taguring ya sayang bamamalaman