Talindung Rupa
Cipt. K Babay
Ku kira cinta nang ikam bawa
Kawa maulah hati bahagia
Lamun dusta talindung rupa
Maulah hati tabalah dua
Kada ku sangka nang kaya ini
Cinta disarah barimbun duri
Kada tasandang mancucuk hati
Rasa pang hilang wadah badiri
Batikin hati diri balangkah
Manyandang nasib bahati patah
Bapusut dada baca Istighfar
Mudahan diri kawa basabar
Biar pang cinta bapulun luka
Mudahan lakas dapat ubatnya
Biar wahini diri marista
Asal hujungnya kawa bahagia
1 September 2015
Tidak ada komentar:
Posting Komentar