Samban Suasa

Samban Suasa
Cipt. K Babay 

Salamat datang kamilah ucapakan
Bapa wan ibu undangan barataan
Silakan duduk manyaksiakan
Musik hiburan nang.kami bawaakan

Kami bubuhan Kampoeng Seni Boedaja
Samban Suasa kami bernama
Umpat maharagu umpat manjaga
Seni tradisi paninggalan tatuha

Kami bermain berkawan-kawan
Mausung seni musik warisan
Baturai nyanyi baturai pantun
Lamun tasalah mohon dimaafakan

KSB ULM wadah kami banaung
Bamacam seni nang diarak diusung
Adat budaya sama dijunjung
Dikambangakan dibina bagotong-royong

Lestari Budaya Lestari Banua
Damintu semboyan nang kami bawa
Basimpul Adat hakikat dijaga
Mudahan lestari abadi sapanjang masa