SMAKING Dalam Kenangan
Cipt. K Babay
Hari ini
Sampai kita diujung jumpa
Setelah lama bersama
Lalui waktu demi waktu
Hari ini
Lewat lagu yang tercipta
Terangkai untaian nada
Dari hati dari jiwa
Terima kasih Bapak Ibu Guru
Kami telah diberi tuntunan ilmu
Terima kasih Bapak Ibu Guru
Petuahmu kan diingat selalu
Hari ini
Perpisahan kita terjadi
Kebersamaan di SMAKING
Abadi dalam kenangan
Janji Sabatik
Cipt. K Babay / Babaya Bungas
Tulak Malunta dihujan rintik
Mandapat saluang mudik
Banyulah mata gugur manitik
Tahadang janji sabatik
Tulak Malunta dibanyu dalam
Mandapat anak bidawang
Tarista hati manaruh dandam
Mangganang kada diganang
Lamun kasturi manis rasanya
Manis pang jua si buah mangga
Dimapa diri kada tarista
Janji satia tabalah dua
Janji satia tabalah dua
Burunglah bintri hinggap didahan
Batiti mancari makan
Basarah diri ka lawan Tuhan
Mudahan ditabahakan
Es Lilin
Es lilin mah didorong-dorong
dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi
Es lilin mah ceuceu buatan Bandung
dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi
Itu saha dunungan nu nungtun munding
digantelan geuning ku saputangan
itu saha dunungan ku ginding teuing
sing horeng mah aduh geuning jungjunan
Es lilin mah ceuceu dikalapaan
raosna mah geuningan kabina-bina
abdi alim dunungan paduduaan
sok sieun mah dibantun kamana-mana
Kamana mah geuningan ngaitkeun kincir
ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan
Dikampung Urang
Cipt Babaya Bungas
Nyaman-nyamannya dikampung urang
Kada sanyaman kampung saurang
Siang wan malam bahati pusang
Uma wan abah tarus diganang
Sakit nyamannya dikampung urang
Tatap dirasa tatap disandang
Cari rajaki mambanting tulang
Bamudal cangkal kulir bapantang
Reff;
Talanjur sudah diniatakan
Tulak bacari ka pamadaman
Mudahan mantuk bapakulihan
Balalu bulik ka kampung halaman
Mausung Janji
Cipt: K Babay
Hujan turun membasahi bumi
Manambah dingin sunyinya hati
Mangganang kasih si jantung hati
Jauh di mata lamun parak di hati
Jaka pang kawa ku jadi halang
Wahini jua aku tarabang
Handak badapat batamu pandang
Supaya rindu balalu hilang
Di dalam doa tulus kupinta
Mudahan lampang kisah cintanya
Mausung janji sumpah setia
Kada tapisah kita badua...
Damintu doa nang kupanjatkan
Basujud simpuh manadah tangan
Mudahan takdir jadi suratan
Kita bajudu ka palaminan
Supan Bapadah
Cipt. K Babay / Babaya Bungas
Lamun tiwadak aduh disayang badahan randah
Putik sabigi buat ka wadah 2x
Niat pang handak aduh disayang supan bapadah
Tabalik hati manjadi gundah 2x
Aduh disayang supan bapadah 2x
Lamunlah randah aduh disayang rapun tiwadak
Bahalat dua rapun hampalam 2x
Lawaslah sudah aduh disayang hatiku handak
Tatap pang jua pisit kupandam 2x
Aduh disayang supan bapadah 2x
Sabanlah hari aduh disayang tulak ka hutan
Mancari kayu dahan undayang 2x
Rusak dihati aduh disayang nang karindangan
Batambah pilu diri mangganang 2x
Aduh disayang supan bapadah 2x
Kapasar lama aduh disayang cari kuini
Dapat sumangka dipinggir jalan
Lantaran cinta aduh disayang nang kaya ini
Hidup marista bapapanjangan 2x
Aduh disayang supan bapadah 2x
Kaganangan
Cipt. K Babay / Babaya Bungas
Tumat Kandangan ka Hamparaya
Manukar lapat lawanlah lamang
Mun kaganangn wayah bagaya
Handak badapat lah sayang
Batamu pulang
Batamu pulang..
Tumat Kandangan ka Gambah Dalam
Bajaja bayam wan iwak karing
Mun kaganangan diwayah malam
Mata bapajam lah sayang
Kada taguring
Kada taguring..
Tumat Kandangan ampah Ambarai
Bawa kastela wan buah manggis
Mun kaganangan badan tacarai
Basahlah mata lah sayang
Lantaran tangis
Lantaran tangis..
Negeri Leluhur
Cipt. Babaya Bungas
Rindu hati didalam dada
Negeri leluhur ditanah Jawa
Tahalat laut aduh disayang
Jauh dimata aduh disayang
Wayah taganang rasa dimapa
Ingat sanak wan handai taulan
Tapisah jarak bajajauhan
Sahibar habar aduh disayang
Diharapakan aduh disayang
Jadi palipur rasa dandaman
Mun ada untung rajaki datang
Taniat hati handak bailang
Mun kada lawas aduh disayang
Satumat barang aduh disayang
Asal pang tulus batamu pandang
Pucuk Kastela
Pucuk kastela 2x pahit rasanya
Biar digangan 2x tatap pang pahit
Di Marabahan 2x hati maharit
Aku mangganang adakah ikam baniat bulik
Si jariangau 2x tumbuh diparit
Tumbuh diparit disasalanya anak kaladi
Mun aku kiau 2x ikam pang sangit
Paragah sakit 2x ini pang nasib
Mun kada baju 2x tapih salambar
Mun kada jadi 2x kirim pang habar
PAMBATANGAN
Matan di hulu mambawa rakit bagandengan
Bahanyut matan di udik barito
awal hari baganti minggu
Siang wan malam
waktu hari baganti hari
Istilah urang mancari rajaki
kada talapas awan gawi
Panas hujan kada manjadi pampantangan
Kada hiran tatap di rasa akan
mananjak batang sambil ba-rami-ramian
Akhirnya sampai ka tujuan
Inilah nasib manjadi urang pambatangan
Amun nasib sudah di tantu-akan
Insya Allah ada harapan
Amun nasib sudah di tantu-akan
Insya Allah ada harapan 2x
Purun Banar
Urang Banjar 2x kakaai tulak ka Jawa
Tulak ka Jawa naik kereta 2x
Ulun sabar 2x kakaai ku tahan jua
Ku tahan jua si banyu mata 2x
Ka Kalua lalu datang ka Barikin
Murung Pudak kakaai ku tarusakan
Jangan jua mantang-mantang ulun miskin
Sakahandak kakaai malakunakan
Rapun janar 2x kakaai bacabang dua
Bacabang dua ka rapun bawang 2x
Purun banar 2x kakaai babini dua
Babini dua ulun tabuang 2x
Ka Kalua lalu datang ka Barikin
Murung Pudak kakaai ku tarusakan
Jangan jua mantang-mantang ulun miskin
Sakahandak kakaai malakunakan
Karindangan
Cipt. Nanang Irwan
Sudah lawas hati batagur
Amun aku tatap badiam
Ku marasa hati dandaman
Karindangan wan urang subarang
Rancak liwat baisukan
Kamarian basambung malam
Amun kada taucapkan
Niat hati karindangan
Saban malam slalu tabayang
Bayangannya kada pang hilang
Nang kaya apa supaya nyaman
Bantal guling kuulah kawan
Puas tingharap tilantang pulang
Amun mata kada tapajam
Bamalaman kada taguring
Kaingatan si rambut panjang
Aduh uma abah aduh..
Ulun takutan.. Ulun takutan..
Kalu pang inya.. kalu pang inya
Diambil urang
Aduh uma abah aduh..
Cuba lakasi.. Cuba lakasi..
Ditampahi..
Ulun takutan dahulu urang
Ulun kada tahan lagi
Ulun kada sabar lagi
Kalu pang kina.. kalu pang kina..
Ulun manyasal..
Galuh Banjar
Cipt. H.M. Tamjid Wijaya
Galuh Banjar bakamban habang
Bakakamban habang
Tapih basulam baju Sasirangan
Rambut mahirang si ikal mayang
Siapalah jua ampun larangan
Nang putih kuning bakalung marjan
Bakalung marjan
Giwang barlian si amas mirah
Handak kugandeng hatiku supan
Takutan kalu pina tasalah
Ampat lima kuriding patah
Patah sabilah adingai dihiga lawang
Ampat lima kutanding sudah
Kada manyama adingai nang baju habang
Galuh Banjar bapupur dingin
Bapupur dingin
Bibirnya habang bakas manginang
Hati basabar bujur kapingin
Kada baalih biar dihalat
Uma abah lakasi badatang
Lakasi pang datang
Galuh Banjar mamikat hati
Amun talambat diambil urang
Alamat awak marista diri
Galuh Banjar bapupur dingin
Bapupur dingin
Bibirnya habang bakas manginang
Hati basabar bujur kapingin
Kada baalih biar dihalat
Uma abah lakasi badatang
Lakasi pang datang
Galuh Banjar mamikat hati
Amun talambat diambil urang
Alamat awak marista diri
Ampat lima kuriding patah
Patah sabilah adingai dihiga lawang
Ampat lima kutanding sudah
Kada manyama adingai nang baju habang
Ampat lima kuriding patah
Patah sabilah adingai dihiga lawang
Ampat lima kutanding sudah
Kada manyama adingai nang baju habang
Ampat lima kuriding patah
Patah sabilah adingai dihiga lawang
Ampat lima kutanding sudah
Kada manyama adingai nang baju habang
Badindang Ligun
Cipt. Hamiedan AC
Nyaman nyamannya, mamakanlah karak
Mamakan karak, nyaman jua di pipiringan
Nyaman nyamannya, larangan parak
Larangan parak, nyaman jua batitiringan
Badindang dindang ligun
Badindang, badindang ligun
Yalalan yalan yalan
Yalan yalan yalan yalan
Burung katutut di hujunglah paring
Turiang jua batang manggis banyak kulatnya
Sudah takajut salajurlah garing
Nang hirang jua, hirang manis jadi ubatnya
Badindang dindang ligun
Badindang, badindang ligun
Yalalan yalan yalan
Yalan yalan yalan yalan
Gajah manyubarang ay, lautan Jawa
Badan tinggalam, ngalih jua timbul gadingnya
Dinda saurang ay, timbangan nyawa
Saputar alam, ngalih jua babandingannya
Badindang dindang ligun
Badindang, badindang ligun
Yalalan yalan yalan
Yalan yalan yalan yalan
Tatangis
Cipt. Hamiedan AC
Tatangis, aku tatangis
Mangganang masa silam,
masa nang silam
Aduhai nang kaya duri
di dalam badan
Lantaran cinta diriku nang kaya ini
Nang kaya ini, siang rindang, malam dandam Kurindang dandam
Aduhai...badanku ini, hancur di dalam
Saputih banyu susu
Semanis madu
Nang disurung wan aku
Ai wayah dahulu
Saban kali batamu
Sanang hatiku
Riwayat bahagia
Kadada bandingnya
Rasa takibar sumangat
Lamun baduaan
Manggitir sukma ragaku
Dipaluk dirayu
Tatangis, aku tatangis
Bayangan masa silam
tatap kuganang
Aduhai... selama hayat
di kandung badan
Japin Patah Bercinta
Lirik : K Babay / Babaya Bungas
Burung merpati, si burung dara 2x
Turun bahinggap mancari makan 2x
Lamun pang hati, manaruh cinta 2x
Baik diucap dipandam jangan 2x
Patah dahannya, rapun srikaya 2x
Buahlah manggis banyak hapatnya 2x
Sudah hukumnya, wani bercinta 2x
Tawa wan tangis mairinginya 2x
Pinang sabigi, dibalah dua 2x
Sirih wan kapur ulah kinangan 2x
Lamun lah hati, patah bercinta 2x
Jangan basadih balalawasan 2x
Bungas balangnya, si rama-rama 2x
Si kupu-kupu maisap madu 2x
Bujur lah jua, papadah lama 2x
Patah nang satu tumbuh saribu 2x
Angkinang 13 Mei 2017
Yulida
Cipt. K Babay / Babaya Bungas
Yulida kasih pujaan
Belahan jiwa permata intan
Nang aku sayang saganap jiwa
Kada taubah sapanjang masa
Yulida galuh idaman
Kawan dihidup satu ikatan
Nang aku cinta saganap badan
Akan kujaga nang salawasan
Yulida kasih pujaan
Kada sakira sanangnya hati
Mandapat pian nang kasayangan
Sama maaarit babagi kibit
Sakit nyamannya sama dirasaakan
Damintu janji nang kita usung
Ruhui rahayu baganding tangan
Yulida umanya Almira
Kasih dipuja sapanjang masa
Si buah hati caramin mata
Jadi palangkap bahagia kita
Mabuk Kapayang
Cipt. K Babay / Babaya Bungas
Kaya ini pang rasanya
Urang nang karindangan
Kada siang kada malam
Maarit rindu dandaman
Bapajam mata bapajam
Kada jua taguringan
Tilantang balik tilantang
Hujungnya duduk tacungkung
Kaya ini pang rasanya
Urang nang karindangan..
Siang wan malam kada taguring
Pikiran pusang batambah pusang
Mangganang urang disayang 2x
Tarista diri mabuk kapayang
Tabawa hati rusak mangganang
Akhirnya tabawa garing 2x
Kaya ini pang rasanya
Urang nang karindangan..
Saantum Rindu
Cipt. K Babay / Babaya Bungas
Sabatik rasa manggandah kalbu
Diwayah kita mula batamu
Laksana kana buluh parindu
Cinta bataut manjadi satu
Saantum rindu lah sayang
Batulis kalam lah sayang
Nang saban bait manaruh dandam
Cahaya bulan lah sayang
Kaya pualam lah sayang
Malambui rindu batambah dalam
Sabingkai janji nang kita rangkai
Simpun baikat 2x laksana simpai
Bairing doa surak sumampai
Mudahan tulus 2x nang hajat sampai
Tihang cinta lah sayang
Nang kita pahat lah sayang
Kita bangun bapasak niat
Laksana rumah lah sayang
Pisang sasikat lah sayang
Biar pang halus batajak kuat
Angkinang, 5 Juni 2018
Tante Iwar
Cipt. K Babay
Tante Iwar cantik manis jago menyanyi
Menyanyi lagu dangdut melayu
Lagu dibawakan oh sambil bergoyang
Bergoyang ala artis Jakarta
Tante Iwar jago menyanyi
Tante Iwar jago menari
Tante Iwar cantik manis jago menyanyi
Menyanyi lagu dangdut melayu..
Reff;
Suara nggak kalah sama Rita
Cuma sayang tinggalnya didesa
Jogetnya nggak kalah sama Inul
Cuma sayangnya kurang bahenol
Goyang kanan goyang kiri
Sambil berdendang irama riang
Tante Iwar cantik manis jago menyanyi
Menyanyi lagu dangdut melayu
Lagu dibawakan oh sambil bergoyang
Bergoyang ala artis Jakarta
Tante Iwar jago menyanyi
Tante Iwar jago menari
Tante Iwar cantik manis jago menyanyi
Menyanyi lagu dangdut melayu..
Alahai Sayang
Hitam hitam maritam buahnya manis 2x
Mulai bakambang luruh sakaki 2x
Ahai Alahai sayang 2x
Biar hirang lamunnya kupandang manis 2x
Sakali kupandang cucuk dihati 2x
Ahai Alahai sayang 2x
Hitam hitam tampuknya tampuk palawi 2x
Batanglah kamuning luruh kambangnya 2x
Ahai Alahai sayang 2x
Biar hirang ya manis tapi panggawi 2x
Awak putih kuning apa gunanya 2x
Ahai Alahai sayang 2x
Anak lalat ya guring guring bagantung 2x
Anak anak warik manyanyiakan2x
Ahai Alahai sayang 2x
Kada harat rupanya lamun bauntung 2x
Kalakuan baik lagi baiman 2x
Ahai Alahai sayang 2x
Pais Pisang Pais Gumbili
Pais pisang pais gumbili 2x
Makananku saban hari
Hati pusang kakaai handak babini
Apa daya kada bacari
Hati pusang kakaai handak babini
Apa daya kada bacari
Roti pisang lawanlah bikang 2x
Dimakan barincit-rincit
Hati pusang kakaai handak badatang
Apa daya kada baduit
Hati pusang kakaai handak badatang
Apa daya kada bacari
Kanapa bapusang-pusang
Ikam jua dingai kulir bacari
Kanapa bapusang-pusang
Ikam jua dingai kulir bacari
Amun ikam dingai handak badatang
Dicangkali ikam bacari
Amun ikam dingai handak badatang
Dicangkali ikam bacari
Kalalapon lawan kikicak 2x
Gumbili ulah karipik
Lamun ikam dingai baduit banyak
Mun badatang kada ditampik
Lamun ikam dingai baduit banyak
Mun badatang kada ditampik
Olla
Cipt. K Babay / Babaya Bungas
Olla anakku sayang
Buah hati uma wan abah
Nang paasian anakku ingat diingat papadah
Supaya hidup 2x mandapat berkah
Olla anakku sayang
Caramin mata palita hati
Apik baapik anakku diri nang mambawa diri
Supaya hidup 2x kawa babakti
Olla anakku sayang
Belahan jiwa permata intan
Jaga dijaga anakku adat lawan kalakuan
Supaya hidup 2x salamat badan
Olla anakku sayang
Palipur hati palipur lara
Pupuk dipupuk anakku sifat jujur nang satia
Supaya hidup 2x kawa bahagia
Wira Disayang
Cipt. K Babay / Babaya Bungas
Kata mami Wira anak yang baik
Kata papi Wira anak yang pintar
Wira baik tak nakal
Wira pintar tak cengeng
Wira baik tak nakal
Wira pintar tak cengeng
Wira disayang mami dan papi
Wira juga sayang mami dan papi
Wira disayang mami dan papi
Wira juga sayang mami dan papi
Barat Manyandang
Cipt. K Babay / Babaya Bungas
Si rawa-rawa labat buahnya
Labat pang jua si ramania
Dimapa kawa handak malupa
Mun kurihingnya dibuncu mata
Anaklah sawa dirapun paring
Dibalambika maulah sarang
Dimapa kawa handak taguring
Mun humbayangnya tarus taganang
Tinggi sabatang si rapun jambu
Bahalat talu rapun hambawang
Barat manyandang hati nang rindu
Imbah batamu baumpat pulang
Jaka Pang Kawa
Cipt. K Babay / Babaya Bungas
Pisang awa ditangah padang
Hanyar batungkul tatak wan parang
Jaka pang kawa ya sayang kisah diulang
Kita takumpul ya sayang sarumah pulang
Rawa-rawa masam rasanya
Ulah pancukan pisang wan jambu
Jaka pang kawa ya sayang aku maminta
Ampuniakan ya sayang salah khilafku
Kura-kura lain biuku
Lain pang jua bidawang mati
Jaka pang kawa ya sayang tulus hajatku
Kita bahagia ya sayang wan buah hati
Yulida
Cipt. K Babay / Babaya Bungas
Yulida kasih pujaan
Belahan jiwa permata intan
Nang aku sayang saganap jiwa
Kada taubah sapanjang masa
Yulida galuh idaman
Kawan dihidup satu ikatan
Nang aku cinta saganap badan
Akan kujaga nang salawasan
Yulida kasih pujaan
Kada sakira sanangnya hati
Mandapat pian nang kasayangan
Sama maaarit babagi kibit
Sakit nyamannya sama dirasaakan
Damintu janji nang kita usung
Ruhui rahayu baganding tangan
Yulida umanya Almira
Kasih dipuja sapanjang masa
Si buah hati caramin mata
Jadi palangkap bahagia kita
Kisah Kita
Cipt. Babaya Bungas
Sesungguhnya memang kuakui
Cinta ini tetaplah untukmu
Tiada mudah untuk menghapusnya
Meski kita telah lama berpisah
Kisah cinta yg pernah terjalin
Selalu hadir dalam khayalanku
Tiada mudah untukku berpaling
Tuk pindah cinta pada yang lain
Entah mengapa diriku ini
Merasa nyaman mengenang cinta kita
Entah mengapa hatiku ini
Tak berniat utk menghapusnya
Karena bersamamu adalah cinta terbaikku
A'syifa
Cipt. Babaya Bungas
Guring..
Noor A'syifa Amanda guring
Guring.. guring dalam ayunan
Mata nang kalat dipajamakan
Guring baayun kuayunakan 2x
Guring..
Noor A'syifa Amanda guring
Guring.. guring nang kasayangan
Shalawat salam kudundangakan
Ka lawan Nabi Rasul Junjungan
Guring..
Noor A'syifa Amanda guring
Guring.. guring parmata hati
Dijaga adat budi pekerti
Baapik-apik manjaga diri
Guring..
Noor A'syifa Amanda guring
Guring.. guring galuh pujaan
Nang paasian lagi baiman
Hidup bauntung parajakian
Alif Anakku Sayang
Cipt. Babaya Bungas
Alif anakku sayang belahan jiwa
Mudahan bauntung wan mulia
Tulus wan ikhlas andak dijiwa
Nang randah hati kada jumawa
Alif anakku sayang permata intan
Mudahan taat wan paasian
Pintar mangaji lagi baiman
Supaya berkah saribu rahman
Alif anakku sayang pautan hati
Mudahan santun bijak bestari
Halus basa babudi pekerti
Jadi palindung panjaga diri
Marindu
Cipt. Babaya Bungas
Rindu.. Rindu ulun marindu kakaai
Rindu handak batamu
Tuhuk maarit hati nang rindu
Kada mangana bahati pilu kakaai
Kada mangana bahati pilu
Rindu.. Rindu maudak jiwa adingai
Rindu kada takira
Rasa mambara didalam dada
Handak badapat bapandang mata adingai
Handak badapat bapandang mata
Rindu.. Rindu lantaran sayang kakaai
Rindu tarus tabayang
Kada pang ranai nang hati tanang
Sabalum pian datang badatang kakaai
Sabalum pian datang badatang
Rindu.. Rindu lantaran cinta adingai
Rindu kahada lupa
Mudahan tulus nang hajat kita
Ka palaminan kita badua adingai
Ka palaminan kita badua
Rindu.. rindu sama marindu aduhai
Rindu dambaan kalbu
Mudahan juduh nang sampuk buku
Kawa mandayung satu perahu aduhai
Kawa mandayung satu perahu
Angkinang 22 Desember 2018
Rikit Dijiwa
Cipt. Babaya Bungas
Baurak bintang diwayah malam
Kilip-kilipan mangapung bulan
Diri saurang diudak dandam
Taganang pian parmata intan
Sinarnya bulan luruh ka bumi
Kaya pualam batu baiduri
Humbayang pian manari-manari
Maulah dandam makin batiti
Kayu halaban jamur sahari
Dibalah-balah banam diapi
Takdirnya Tuhan Ilahi Robbi
Kita tapisah hidup wan mati
Manunggang kuda tulak mamanah
Dapat minjangan batanduk dua
Biar pang raga bakalang tanah
Humbayang pian rikit dijiwa
Ditangah hutan banyak paikat
Nang saban rapun ada baduri
Papadah pian rikit dijiwa
Gasan panuntun panjaga diri
Pantun Papadahan
Cipt. Babaya Bungas
Rapun tiwadak dipahalatan
Rapunlah gambir rabah ka jalan
Lamun pang handak banyak bakawan
Dijaga pandir wan kalakuan
Rapun tiwadak tumbuh digunung
Patah sadahan ulah titian
Lamun pang handak hidup bauntung
Nang paasian lawan kawitan
Rapun tiwadak batangnya tinggi
Tinggi pang lagi rapun kasturi
Lamun pang handak banyak rajaki
Nang dicangkali saing bacari
Rapun tiwadak tabang wan parang
Mambanam ratik timbun di api
Lamun pang handak disayang urang
Baapik-apik mambawa diri
Rapun tiwadak di hulu tabat
Ulah galagar dapa sambilan
Lamun pang hidup babarkat
Nang bujur banar ulah amalan
