Rikit Dijiwa
Cipt. Babaya Bungas
Baurak bintang diwayah malam
Kilip-kilipan mangapung bulan
Diri saurang diudak dandam
Taganang pian parmata intan
Sinarnya bulan luruh ka bumi
Kaya pualam batu baiduri
Humbayang pian manari-manari
Maulah dandam makin batiti
Kayu halaban jamur sahari
Dibalah-balah banam diapi
Takdirnya Tuhan Ilahi Robbi
Kita tapisah hidup wan mati
Manunggang kuda tulak mamanah
Dapat minjangan batanduk dua
Biar pang raga bakalang tanah
Humbayang pian rikit dijiwa
Ditangah hutan banyak paikat
Nang saban rapun ada baduri
Papadah pian rikit dijiwa
Gasan panuntun panjaga diri
Tidak ada komentar:
Posting Komentar