Pantun Marista Bapapanjangan
Limaulah purut dibalah-balah
Racaki bawang ulah cacapan
Lamun diturut hati nang patah
Pikiran pusang kuruslah badan
Asamlah kandis asam balimbing
Limaulah purut masak ditangkai
Hati nang padih kaya digunting
Duduk taungut badan tercerai
Ka pasar lama cari kuini
Dapat sumangka dipinggir jalan
Lantaran cinta nang kaya ini
Hidup marista bapapanjangan
Tarabang burung si burung halang
Tarabang hinggap dikayu jati
Nang sudah hilang jangan diganang
Lamun diganang manyakit hati
Tidak ada komentar:
Posting Komentar