Hidup Bakawan Mati Baiman

   Hidup Bakawan Mati Baiman
                Cipt. K Babay

Tangga lah ulin bapasang pasak
Manjadi ciri rumah bahari
Lamunlah hidup manjaga akhlak
Cagar bahagia diakhir nanti

Lamun bubungan bapasang jamang
Jamang batatah bungas ditilik
Lamun baiman rajin sumbahyang
Amal sadakah sangu nang baik

Matan Kandangan mancari intan
Intan campaka bungas dipandang
Hidup bakawan mati baiman
Itulah tanda urang bauntung

Mun kalalapun isinya gula
Manis rasanya lanah di ilat
Lamunlah santun budi wan basa
Itulah tanda urang baadat

Lamun rampa hatap rumbia
Papan satampik ulah lantainya
Lamunlah hidup banyak badosa
Takwa wan taubat ulah tatamba

Pukul tarbang sambil basyair
Bamadihin maurai kata
Tanang pikir barakat dzikir
Tanang jiwa barakat doa