Pantun Patah Hati
Cipt. K Babay
Lamun kalulut dibuncu tawing
Jangan diudak biar basarang
Hatiku kalut kada taguring
Mangganang gandak diambil urang
Bilah lidi bilah undayang
Ulah sasapu batali hirang
Niat lah hati handak badatang
Apa dayaku tadahulu urang
Piring malawin wadahi tapai
Cangkir lah batu panginumannya
Gandakku kawin duduk batatai
Bangkur mataku manangisinya
Buah lah raman buah bilungka
Dikupas lawan lading balati
Bujur pang nyaman wayah bacinta
Tapi lah sakit mun patah hati
Tidak ada komentar:
Posting Komentar