Panawar Rindu
Cipt. K Babay
Mangayuh jukung bawa ganganan
Singgah bamandak sampai muhara
Dandaman kampung dapat kutahan
Dandaman dangsanak bujur manyiksa
Tumbuh marimbun si rapun paring
Ditatak dua gasan usungan
Rahat tabangun diwayah guring
Dangsanak jua nang diganangakan
Banyak hapatnya si buah manggis
Masak sabigi andak dipadu
Basahlah mata lantaran tangis
Rusak dihati lantaran rindu
Tataklah paring diulah pagar
Ikat paikat basimpul talu
Lihat kurihing didalam gambar
Ku ulah ubat panawar rindu
Tidak ada komentar:
Posting Komentar