Anak Pandawa

Anak Pandawa
Cipt. K Babay / Babaya Bungas

Dengan Bismillah nang pamulaan
Tanda bamula awal hiburan
Bairing lawan Shalawat Salam
Kepada Nabi Rasul Junjungan

Salam wan hormat kami haturkan
Ka lawan pian sabarataan
Kita batamu dikarasminan
Mudahan kawa jadi hiburan

Musik lah panting kami bawakan
Tumatan Panggung kami datangan
Nang Para Tutus kami bangaran
Anak Pandawa sapakawanan

Kami balajar bakawan-kawan
Balajar seni musik warisan
Bairing niat satu tujuan
Umpat manjaga mangambangakan

Seni tradisi turun tamurun
Kita jaga haragu barataan
Baturai nyanyi baturai pantun
Mairing panari igal-igalan