Taungut
Lamun sabut batimbun api
Batimbun api banyak habunya
Sambil taungut marista diri
Hati mangganang kada putusnya
Pampakin lah tanam babaris
Tanam babaris dipahalatan
Lamun taingat nang hirang manis
Nasi dipiring kada tamakan
Lamun lah handak mamuai wanyi
Mambawa tali pakai uluran
Lamun bajanji takuni hati
Jangan badusta bapapanjangan
Lamun lah handak ka Surabaya
Naik manumpang di Kalimutu
Lamun lah handak urang parcaya
Jangan bapandir kada manantu
Tidak ada komentar:
Posting Komentar