Ka Karasminan

KA KARASMINAN
Cipt. K Babay

Malam ini bulannya tarang
Bungas dipandang wan kilip bintang
Niat pang hati tulak bakunjang
Ka karasminan urang bawayang

Ning ning tak ning ning tung
Bunyi sarun babun wan agung
Ning ning tak ning ning tung
Dalangnya duduk basila panggung

Kalir putih dipasang kancang
Lampunya nyarak umpat baguyang
Wayang basusun tajak digadang
Patanda parak bamula wayang

Ning ning tak ning ning tung
Gamalan alun jadi pambuka
Ning ning tak ning ning tung
Awal carita wayang bamula

Dalangnya anum Ufik bangaran
Di Desa Panggung nang kaganaan
Duduk baampar sapakawanan
Mamainakan bunyi gamalan

Ning ning tak ning ning tung
Kisah dibawa kararamian
Ning ning tak ning ning tung
Kada tatinggal bapapadahan