Karindangan Supan Bapadah

Karindangan Supan Bapadah
Ading Bastari

Mula batamu kutagur sapa lah sayang
Lawan si ading nang rupa nang baik rupa
Lawan si ading lah sayang nang baik rupa
Sapanjanakan batamu mata lah sayang
Rasa  maliduk didada hati didada
Rasa maliduk lah sayang hati didada

Dimapa akal handak malupa lah sayang
Rasa mancungkung dimata dibigi mata
Rasa mancungkung lah sayang dibigi mata
Kada talindung biar kamana lah sayang
Burung tarabang lah iya kusangka iya
Burung tarabang lah sayang kusangka iya

Mun handak guring nang kaganangan lah sayang
Guring tamimpi igauan igau igauan
Guring tamimpi lah sayang igau igauan
Tunduk tingadah kubayangakan lah sayang
Rasa bapaluk lah tangan bapigang tangan
Rasa bapaluk lah sayang bapigang tangan

Mun handak guring kubayangakan lah sayang
Janji didiri lah sudah sampai lah sudah
Janji didiri lah sayang  sampai lah sudah
Duduk badiri rasa tasalah lah sayang
Nang karindangan bapadah supan bapadah
Nang karindangan lah sayang supan bapadah

Biar kusimpan didalam hati lah sayang
Kada kubuang ka mati sampai ka mati
Kada kubuang lah sayang sampai ka mati
Siang dan malam aku mancari lah sayang
Kanapa jua mangarti kada mangarti
Kanapa jua lah sayang kada mangarti