Ayun Apan

Ayun Apan
Ading Bastari

Ayun apan anak kundan kutinjak apan
Ayun salindang anak kundan hanyut badiri
Kapan-kapan anak kundan ujarku kapan
Urang bujang anak kundan baranak tiri

Dua kali anak kundan hujan digambah
Mahujani anak kundan anak papuyu
Dua kali anak kundan mangiau asbah
Mangawinakan anak kundan anak dahulu

Tiup api anak kundan digunung lidang
Habu-habunya anak kundan kutampi jua
Niat hati anak kundan tumat dibujang
Balu-balunya anak kundan kuhadang jua

Amas mirah anak kundan intan sakarat
Humbut nyiur anak kundan dicucur angsa
Pamanderan anak kundan nang pina harat
Wani manjujur anak kundan barapa juta