Kambang Banua
Cipt. K Babay
Kadada firasat didalam dada
Datang habar bawa barita
Pian batulak mamutus nyawa
Mahadap Tuhan Nang Maha Esa
Banyulah mata umpat titikan
Mangganang marasaakan
Pian mambimbing bapapadahan
Supaya rakat bakasenian
Reff :
Rangkaian nada syair wan pantun
Jadi ganangan sampai kapanpun
Mudahan seni tumbuh marimbun
Tatap tajaga turun tamurun
Salamat jalan kambang banua
Kami lapas bairing doa
Mudahan lampang jalan ka surga
Nang tatinggal tabah dijiwa
Ading Bastari jadi paninggal
Nang di Barikin wadah baasal
Panutan seni nang tradisional
Jadi pusaka banua kalsel
Barikin 11 Mei 2016
Tidak ada komentar:
Posting Komentar