Sakupak Kambang

Sakupak Kambang
Cipt. K Babay / Hadi Rosadi

Bagatar hati didalam badan
Taingat ading kasih pujaan
Lawas pang kada nang batamuan
Imbah ku tulak ka pamadaman

Diwayah sanja mulai baganti
Sang matahari malingkup diri
Sagirap humbayang mangurihingi
Maulah rindu makin batiti

Malam baganti nang dinihari
Humbayang ading kada taganti
Rikit dimata rikit dihati
Maulah guring kada manjadi

Kada manahan hati nang rindang
Baputus hati bulik ka kampung
Niat badapat ading disayang
Mudahan dandam balalu hilang

Lamun pang kisah lain carita
Wayah kudatang malah marista
Urang diganang urang dicinta
Sudah takubur dalam pusara

Rasa pang hilang sukma diraga
Marasaakan padihnya jiwa
Basahlah pipi wan banyumata
Malimbui hati nang luka lara

Sakupak kambang nang aku bawa
Jadi pangantar janji satia
Kada kualih cinta nang ada
Biar takubur nang salawasnya